Un escufles jut en sun lit ;
malades est, si cum il dit.
Un jai ot sun ni pres de lui,
a ki il fist suvent ennui.
Li escufles se purpensa
que sa mere i enveera,
si li fra requere pardun
que pur lui facë oreisun.
« Mere » fet il, « kar li preez
qu’il prie pur mei, li requerez ! »
« Jeo », fet ele, « cument irai ?
Ne sai cument li prierai :
meintefeiz as suillé sun ni
e sur ses oiseus esmeulti. »
Issi est de la fole gent :
la u il unt mesfet suvent,
veulent aler merci crier,
ainz qu’il le veulent amender.
