Par une feiz, ceo vus* recunt,
passoit un chien desur un punt ;
un fourmage en sa buche tient ;
quant en mi le puncel [par]vient,
en l’ewe vit l’umbre del furmage ;
purpensa sei en sun curage
que aveir les voleit amduis.
Ileoc fu il trop cuveitus :
en l’ewe saut, la buche overi,
e li furmages li cheï ;
e umbre vit, e umbre fu,
e sun furmage aveit perdu.
Pur ceo se deivent chastïer
cil ki trop sulent coveiter.
Ki plus coveite que sun dreit,
par sei me[is]mes se recreit ;
kar ceo qu’il ad pert [il] sovent,
et de [l’]autrui n’a il n[i]ent.
