Canis parturiens Scrofam rogauit, ut in eius cubile foetus exponeret.
At illa roganti concessit. Ingressa illa ut foetus exponeret. Post iterum
rogauit ut catuli firmi exirent. Roganti et hoc concessit. Paululum post
tempus illa coepit cubile suum repetere et cogere ut exiret. Et illa ab
stomacho sic ait : Quid turbaris? Cu iniuriosa sic mihi occurris? Et si
es fortior nobis, reddam locum tibi aliquando.
Bonis, qui amittunt sua, dum credunt uerba blanda, et blanda uerba
pluribus faciunt contumelias.