Asellus Apro cum fuisset obuius : Salue, inquit, frater. Indignatus Aper
tacuit, atque indignum repudiauit officium cur sic mentiri uoluisset Asinus,
dissimulansque agitauit caput. Qui extenso pede ostendit ungulam. Si me
denegas similem tibi esse, Asinus inquit, hic rostro tuo similis. Non
est? Aper uero, cum uellet se facere generosum impetu, recessit ab ira,
et ait : Facilis est mihi uindicta de te, sed modo ignauo sanguine tuo
me inquinari nolo; nam oportuisset iniuriosum uel laceratum te relinquere.
Monet insipientibus parci debere, stultos autem defendere, qui irrident
melioribus.