Cervus ab Ove modium frumenti peciit, quod se ei (ac)commodasse dixit,
Lupum in testimonium secum adducens. Ovis, talibus auditis, perterrita
maxime propter Lupi presenciam, diem rogavit sibi dari, in quo hec persolvere
posset; quod et factum est. Die igitur statuto reversus est Cervus solus,
sperans se recepturum quod petierat. Ovis vero, de Lupi gaudens absencia,
eum sprevit et ait : Nimia in vobis est decepcio; habete vobis campos
ad fugiendum et Lupus nemus ad lacitandum.
Moralitas. Dives, cum pauperi aliquid (ac)commodavit, ut plus ab eo exigere
queat, perversorum se testimoniis roborat; sed sepe simplicitas pauperis
defenditur, ubi divitis perversa dolositas confunditur.