Cum de fortunis quidam quereretur suis,
Æsopus finxit consolandi hoc gratia.
Vexata sævis navis tempestatibus
Inter vectorum lacrimas et mortis metum,
Faciem ad serenam ut subito mutatur dies,
Ferri secundis tuta cpit flatibus
Nimiaque nautas hilaritate extollere.
Factus periclo sic gubernator sophus:
Parce gaudere oportet et sensim queri,
Totam quia
uitam miscet dolor et gaudium.