Inter capellas agno palanti canis
Stulte inquit erras; non est hic mater tua.
Ovesque segregatas ostendit procul.
Non illam quæro quæ cum libitum est concipit,
Dein portat onus ignotum certis mensibus,
Novissime prolapsam effundit sarcinam;
Verum illam quæ me nutrit admoto ubere,
Fraudatque natos lacte ne desit mihi.
Tamen illa est potior quæ te peperit. Non ita.
Beneficium sane magnum natali dedit,
Ut expectarem lanium in horas singulas!
Unde illa scivit niger, an albus nascerer?
Age porro, scisset: quum crearer masculus,
Beneficum magnum sane natali dedit
Ut expectare lanium in horas singulas
Cujus potestas nulla in gignendo fuit,
Cur hac sit potior quæ jacentis miserita est,
Dulcemque sponte præstat benevolentiam?
Facit parentes bonitas, non necessitas.
His demonstrare voluit auctor versibus
Obsistere
homines legibus, meritis capi.