Issi avient que par un an
ot en [un] bois plenté de glan.
Les pros i sunt mis e chaciez.
Li teissuns s’est acumpainiez
ensemble od eus, si recunut
que porc esteit et estre dut.
Quant li porc viendrent a maisun
e il vit fere l’occisiun,
li teissuns comence a crier,
a reneer e a jurer
que teisuns fu : ses piez musça,
quant od les porcs al bois ala.
Ceo est custume d’asquanz genz
— si est oï e veü suvenz — :
teles custumes veulent entendre ;
mes, quand il sunt aparceüz,
tuz jurs [en] sunt plus mescreüz.