Une serpent trespassot ja
par mi un champ, [si] translança.
Li chans li dist : « Reguarde tei,
tu n’en portes n[i]ent de mei ! »
Autresi est des veisïez :
quant il se sont acumpainez,
entre eus se veulent si guaiter,
tant se quident susveizïer,
que li uns par l’autre ne perde
në autres fors eus n’i aerde,
dunt entre eux ne seient encumbrez
li uns par l’autre ne blamez.
Li uns de l’autre rien ne prent
plus que li chans de la serpent.