Gallus, dum cum alio G[allo] saepius intenderet pugnam, requirit Accipitrem
sibi uindicem. Acc[i]p[iter] uero sperab[at], ut, dum ambo ad eum ueniss[ent],
ipsum qui se cum exhiberet, deuoraret. Cum uenissent ante iudicem, ut
causam exponerent, Accipiter ipsum comprehendit, qui eius primo petierat
forum. At ille clamabat : Iam sum ego, sed ille qui fugam petit. Cui Accipiter
dixit : Non tu credas ex meis unguibus hodie liberari, quia quod tu alio
intendere uoluisti, aequum est, ut ipse sustineas.
Qui aliorum necem tractant, et de ipsorum quid agatur ignorant.