............................................................................
....... et vindicavit sese forti dextera.
Latrone excusso timidus accurrit comes
Stringitque gladium, dein rejecta pænula
Cedo inquit illum; jam curabo sentiat
Quos attemptarit. Tunc qui depugnaverat:
Vellem istis verbis saltem adjuvisses modo;
Constantior fuissem vera existimans.
Nunc conde ferrum et linguam pariter futilem.
Ut possis alios ignorantes fallere,
Ego, qui sum expertus quantis fugias viribus,
Scio quam virtuti non sit credendum tuæ.
Illi adsignari debet hæc narratio,
Qui re
secunda fortis est, dubia fugax.