Un vilein ala al muster
suventefeiz pur Deu prier.
A Deu requist qu’il li eidast
e que sa femme cunseillast
e ses enfanz e nului plus ;
ceste preere aveit en us.
Sovent le dist od si haut cri
que un autre vilein l’entendi,
si li respunt hastivement :
« Deus te maudie omnipotent,
ta femme e tes enfanz petiz,
e nuls autres ne seit maudiz ! »
Par ceste essample volt retreire chescun deit tele priere
feire
quë a la gent seit pleisable
e [qui] a Deu seit acceptable.